ايجارات المساكن والعقار ...

[thamer]

السلام عليكم ورحمة الله وبركاته

اخووواني اخواتي ....

العقار وارتفاع الايجارات والناس اللي ماهي قادره تلحق على دفع الايجار وارتفاعها باسعار خياليه


انا من ضمنهم ووالله العظيم اني اخذ قسط علشان اسدد ايجاري

كان ايجاري 16000 وارسل لي صاحب المكتب بورقة وضعها على الباب ومو[وده لدي ان ايجارك سوف يكون 18000 والسبب (كل شي ارتفع وحنا لازم نرفع):mad:

وقسم بالله الشقه ماتسوى وصغيره ..

لكن الشكوى للي ماتنام عينه سبحانه...

اتمنى انشاء منتدى خاص بالعقارات ومكافحة الغلاء فيها وايجاد البديل ...

اتمنى منكم ماتخيبون املي

thamer

[mqataa]

لا حول ولا قوة الا بالله ..

والله العقارات والمساكن والاتصالات انها مشكلة اخرى وعالم ثاني .. لا نستطيع تغطية كل من رفع الاسعار في منتدى واحد

في هذا المنتدى نركز على المنتجات الاستهلاكية والمواد الغذائية والمحلات التجارية

اعذرنا اخوي ثامر لا نريد تشتيت الجهود

وبارك الله فيك

[mnazer_sa]

الله يستر

[رحال الشرقية]

thamer أخوي

كان رحت وبصغت في وجهه

الله ياخذه وامثالة

[kaso]

سبب رفع الايجارات هو عدم وجود عروض او شقق جديده للايجار والسبب معروف
الاسهم وسوقها المغري اكثر من التاجير ومشاكله
وثانيا ارتفاع المواد الاسمنت والحديد يعني المستثمر يبي ربح سريع ومضمون اكثر من العقار ومشاكل المستأجرين
كان الله بعون كل مستأجر

[الحقانى]

الله يعين الجميع على ارتفاع الاسعار جميعها وارد على اخوى ان ارتفاع اسعار العقار سببه اكبر من الملا ك الحديد والاسمن ومواد الانشاء طاارت بالاسعار كيف تبغى المالك للشقه او العما ره اخوى يبقى على السعر السابق هو مثلك متضرر

[معكم لاخر رمق]

الله يسلمك هذي ما فيه اسهل منها

بما انه جشع وحرامي والاجار المفروض ينقص ما يزيد
فاطقع ما تشوف هو

قل حبيبي تبي 16000 زي اول اتفاق والا المحاكم ابوابها تسع جمل رح اشتك

واتحداه واتحدى اطلق شنب في المحكمه يطلعك من بيتك

اول شي راح يشتكي وراح يتمرمط مرمطه عمره ما تمرمطها والله ليحس ان الالفين هذي ما تسوى كل المرمطه
اولا المحكم وديوان المظالم متروسين قضايا من سنين ما قدرو يحلوه ثانيا تقدر تماطل ولا تحظر واذا حظرت قل بكل بساطعه ماعندى وانا معسر
ولا يقدر يصدر عليك حكم وانت معسر

المهم اسهل شي له انه يا خذ 16 الف والله لايبارك له فيها

[الساهر1]

http://www.mqataa.com/vb/uploaded/1902_01187999886.gif

[thamer]

الله يعطيكم العافيه على هالتجاوب

واتمنى من اخوي مقاطعه انه يفتح لو منتدى فرعي للايجارات والعقار والله كل شي يهووون عند الايجار قسم بالله

اخوووي الحقاني
اعتقد ان صاحب العقار ماهو متضرر مدامه مأجرني شقه صغيره بـ 16000 الف ريال ووووين الضرر وهو يطلع قيمة العماره كامله خلال سنتين انا ماحسده لكن نبي يرئفون بحالنا قسم بالله هالراتب مادري وش يبي يغطي علشان يغطي .. اني في بعض الاحيان اقوووول افصل وارووح لحائل على بند الاجور اوووفق لي ...

[فواز_sa]

الله يسلمك هذي ما فيه اسهل منها

بما انه جشع وحرامي والاجار المفروض ينقص ما يزيد
فاطقع ما تشوف هو

قل حبيبي تبي 16000 زي اول اتفاق والا المحاكم ابوابها تسع جمل رح اشتك

واتحداه واتحدى اطلق شنب في المحكمه يطلعك من بيتك

اول شي راح يشتكي وراح يتمرمط مرمطه عمره ما تمرمطها والله ليحس ان الالفين هذي ما تسوى كل المرمطه
اولا المحكم وديوان المظالم متروسين قضايا من سنين ما قدرو يحلوه ثانيا تقدر تماطل ولا تحظر واذا حظرت قل بكل بساطعه ماعندى وانا معسر
ولا يقدر يصدر عليك حكم وانت معسر

المهم اسهل شي له انه يا خذ 16 الف والله لايبارك له فيها



في البداية أعتذر عن طول الرد. لكن لتبيان الفكرة. و أتمنى انك تقرأه كاملا.

أنا ما أوافقك على الرأي أو الحل اللي كتبته.

صاحب الحق لازم يأخذ حقه. و إذا المحاكم ما أنصفته في الدنيا, ففي الآخرة حقوق الناس أمرها عظيم.
خلي صاحب العقار يأخذ حقه مني في الدنيا و لا يطالبني فيه في الآخرة. و أنا ما أضمن اني أقدر أسدد الحقوق المتراكمة علي قبل ما أموت.

غير كذا, هذا التصرف من أهم أسباب رفع أسعار إيجار الشقق بشكل خاص عن باقي العقار.
خصوصا ان الإيجارات ارتفعت قبل ارتفاع مواد البناء. و غير كذا حتى العمائر القديمة ارتفعت ايجاراتها أو بقيت مثل ماهي مع انه المفروض تنخفض مع قدم العقار.

مثل ما قال الأخ kaso سبب ارتفاع الإيجار هو قله المعروض مقابل الطلب اللي هو في ازدياد ملحوظ. يعني منطقيا, الناس عددها يزيد و اللي كانوا أطفال كبروا و تزوجوا و يحتاجوا سكن.

طيب ليش مافي نمو في العرض يوازي الطلب؟

من أهم الأسباب هو زيادة المخاطرة. يعني لو أني تاجر أو معي مبلغ ودي أستثمره, ما راح أبني عمارة و أؤجرها. اشلي أنا و وجع الرأس مع المستأجرين. أصلا هذا النوع من الإستثمار طويل المدى. يعني في الغالب. ممكن أرجع رأس المال بعد 10 الى 12 سنة. هذا رأس المال و لسه ما تكلمنا عن الأرباح.

و حتى لو اني أخذت قرض و بنيت عمارة ما راح أؤجرها عشان أسدد قيمة القرض من الإيجار. الله أعلم بعد 10 سنوات كيف راح تكون حالة العمارة. و ما أضمن ان المستأجرين يسددوا اللي عليهم. أنا اشد على نفسي فترة من الزمن و أسدد القرض من راتبي. أو إذا راتبي ضعيف, أبني بيت صغير على قدي.

أو زي ما هو صير الحين, أؤجرها على أجانب فقط. لأن الشركة تدفع عن الأجنبي.

لي زميلان في العمل. واحد سعودي و واحد أجنبي.
يقولي السعودي: كنت أدور على شقة لأحد أقاربي و قالي زميلي الأجنبي: العمارة اللي أنا ساكن فيها, فيها شقة فاضية. فطلبت منه انه يكلم صاحب العمارة عن الإيجار. فرد علي بعد فترة و قالي: كلمت صاحب العمارة و قالي أنا ما أؤجر سعوديين أبدا. فقط أجانب!
و هذا الشيء ملاحظ.

لا تفكر اني صاحب عقار و متحامل على المستأجرين. بالعكس. أنا أقول الكلام هذا من المعاناه اللي عايشها حاليا.

أنا حاليا أعزب (مطلق) و مستأجر شقة في عمارة عوائل الدور الواحد فيه 4 شقق صغيرة.
الشقة 3 غرف صغيرة و مطبخ و صالة صغيرة و حمامين (أعزك الله) بـ 18 ألف.

أدور على شقة ايجار في جدة جيدة و بسعر مناسب مو لاقي.

شقق العوائل ( 4 غرف أو أكثر) المقبولة من 20 ألف الى 36 ألف. على حسب الحي و نظافة الشقة. و أصلا العمائر الجديدة صارت تبنى بتصميم بحيث انها تؤجر على أجنبي. غرفه و غرفتين وبعضها بدون صالة و لعوائل. و سعرها هو نفس سعر 4 غرف سابقا.

شقق العزاب المقبولة. مو لاقي أصلا. كلها مصممة للعمالة الأجنبية.

أنا أكتب الكلام هذا و نوعا ما متحامل على المستأجرين اللي سبقونا و ما كانوا يسددوا. و قل العرض مقابل الطلب. و حتى لو رضيت بالمبلغ المبالغ فيه, ما يؤجروك لأنك سعودي و ما يضمنوا انهم يأخذوا الإيجار منك و انك تحافظ على الشقة.

أتمنى ان الفكرة وصلت و أعتذر مرة أخرى عن طول المشاركة.

[طير السعد2006]

قل العرض ايام الاسهم لكن الان والله كل ماامر شارع عمارة تبنى ومخططات تقام على اراضي كانت صحراء جرداء

[رحباني]

من جد الموضوع يبي له دراسة مستفيضة . وانصح بشقق التمليك اللي اجار شقتة بين 25 و35 الف
لان لو ضربت 30 الف في عشرة سنوات يطلع الناتج 300 الف ريال مبلغ حرم يروح اجار .