بالرياض : الشاورما وصل سعرها ( 45) ريال .. ياحلااااااااااااوة

[قاطعوهم]

فيه مطعم فاتح جديد بشارع الثلاثين واسمه ست الشام

تصدقون ان الشورما ب 45 لا ولا تلقالك طاولة من الزحمة

رحت انا والعيال المهم مالقيت طاولة قلت ياولد ابي ادخل قسم العزاب

اخوكم اول ماتجهت للمنيو يوم فتحت اول صفحه الشورما ب 45

المهم نفذت بجلدي وانحشت.


................


منقول من منتدى المساهم

تعليقي :

حسبي الله ونعم الوكيل

والله لو كان المطعم هذا باسم مواطن عادي ماصارت بهالسعر

اكيد انها لحدى هالمسؤولين والا حدى هالزلمات الله لايكثرهم ماكلين البلد اكل

وحنا محجور علينا يالموظفين لانفتح محلات ولا مطاعم ولانسترزق

الله ينتقم من اللي كان السبب

والا شاورما بــ 45

وجع

[معترض]

والا شاورما بــ 45

وجع


صدقت والله... وجع

[أبو شروق]

شاورما بـ 45 ريال!!!

يا أخوي أخاف هذا سعر نفر مندي لحم :)

الله يعين :( :(

[مدمن كبسة بس ممكن نتعالج]

ربك يعين والله بقي نشوفي أشياء أعظم بس علينا بالصبر وحملة المقاطعة
والله لو يقعد المطعم شهر ماأحد يجيه ليبعها 5 ريال مع البيبسي

[الساهر1]

هذا اللي ذبحنا ها الرمم والرعيان الي ياكلون ولا يشبعون ورى الموضه والمدح على حساب جيبهم! وتجدهم محماين بالاقساط والديون ؟؟؟؟

وجعل هالمطاعم تكثر وتنتشر في ظل عدم وجود لا رقيب ولاحسيب والقاضي راضي ......!

ياناس حرام راجعوا انفسكم وخافوا انتقام الله من هالاسراف والبذخ وعدم الامبالاه

[أبوعبدالعزيز]

من ياكل في هذا المكان لا تعني المقاطعة له شيء ولا ارتفاع الاسعار

وليس بعبرة

[ضحية الأرتفاع]

وي
شاورما ب 45 ريال
عيل نفر كباب على كم
اكيد قيمة ذبيحه
الشرهه ماهي على المطعم ولا صاحب المطعم ولا البياعين
الشرهه على غباء من يشتري
+++
ياحليلك انك نفذت بجلدك

http://www.7mlo.com/uploads/f2a284653e.gif (http://www.7mlo.com)

[ضحية الأرتفاع]

شاورما بـ 45 ريال!!!

يا أخوي أخاف هذا سعر نفر مندي لحم :)

الله يعين :( :(

يارجل
نفر المندي بين 25 ريال الى 30 ريال


يمكن نفر مندي مع نفر مضغوط :rolleyes:

[ضد الطمع]

حسبي الله ونعم الوكيل ..

الشرهه على اللي يفكر يروح لهم ..

يا مال الفقر ..

[مستهلك ذكي]

مطعم ست الشام -شارع 30 الرياض
مجموعة لصوص جديدة ترفع سعرالشاورما الى
45 ريال !!
حسبي اللة على وزير التجارة
-- مقاطعة دائمة -- لمطاعم ست الزفت

[شكثر أعاني]

أف
شاورما بـ 45
والله لو انها شاورما بالزعفران

[snns_m]

الملام ليس المطعم بل المغفلين الذين يدفعون ويتباهون بذلك عشان يقولون (اكلنا شاورما بـ 45 ريال)...يا للتفاهة والحقارة.

[وطاعون للي مايراعون]

مرحبا
انته متاكد انو ال45 ريال لساندوتش الشاورما موسيخ الشاورما ؟؟؟؟

[مصلح الغامدي]

الملام ليس المطعم بل المغفلين الذين يدفعون ويتباهون بذلك عشان يقولون (اكلنا شاورما بـ 45 ريال)...يا للتفاهة والحقارة.


والله الملام الحقيقي على بلدية الزفت هي التي تقوم بإعطاء التسعيرات لكافة المطاعم ..

يا أخي في المحافظات والمراكز الصغيرة يسوون حركات اليهود من الجبروت والطغيان ويجيبون أوامر والله شارون كان أرحم منهم وفي وسط العاصمة " الرياض " بجانب الوزارة نفسها كل واحد على كيفه ....

إذاً من السبب ؟ المواطن ، ولا البلدية ؟

[الحمدلله]

السلام عليكم

لا حول ولا قوه الا بالله خخخخخخ كيف كذا حسبي الله ونعم الوكيل
تعرفون ايش المشكله انه في ناس يشوفون انك لمن تناقش هذي الأأمور
امر محرج او انه ماله داعي نتناقش بهذي الأامور وينظرون لها على انها امور
ماديه بسطيه من جد شيء يعصب هي مو مسأله فلوس وبس هي مسأله
نصب و استغلااااال ....

عندي ملاحظه بسطيه ... صدق انهم طماعين وحالتهم حاله بس لا نشبههم باليهود
ما يصلح ... ^_^


سلااااااام وشكرا لصاحب المووضوع :)

[mnazer_sa]

ب45 ريال؟
ولله لو ما فى اكل غيره ما اشتريه؟

[الفاهم]

شكله المطعم تبع وزارة التجارة ومعلم الشاورما الوزير زاته .

[تشيز كيك]

الصراحه رحت هالمطعم
صدمه
صدمه صدمه

اسعار نار

الكبة ب 45
والشاورما صحن ب 45
والرز نقطتين ب 19
والمشاوي نقط 60
وشي عجب
البلا السلطات
خضار بس
وصحن صغيرون
ب 35
صحن صغير صغير

الحمدلله على كل حال ييارب

[scorpion_digi]

حسبي الله ونعم الوكيل لعنة الله عليهم


ومن يروح لهالمكان الا واحد مافكر بغلاء


الاسعار

[مغلي]

الصراحه رحت هالمطعم
صدمه
صدمه صدمه

اسعار نار

الكبة ب 45
والشاورما صحن ب 45
والرز نقطتين ب 19
والمشاوي نقط 60
وشي عجب
البلا السلطات
خضار بس
وصحن صغيرون
ب 35
صحن صغير صغير

الحمدلله على كل حال ييارب


ههههههههههههههههه

هل يكفيني هذا الصحن انا وعائلتي

عددنا 9 اشخاص

لا يكون يكفي شخص واحد فقط

مصيبه

9 * 45 = 405 ريال

[مقاطع الله لا يعوق]

هذا المطعم اسمه ست التبن الشام بثلاثين الرياض


الظاهر هذا لحم مواطنين موصين عليه طلبيه من حماية المستهلك

[خادم الحرمين مقاطع نستلة]

الله الله 45 ريال وين يبو الشباب بالرياض ولا بمشقر وفنزولا

الله يستر لا يتمرد بكر راعي البوفية علينا ويبيع لنا سندويش الجبـآدي بـ70 ريـآل وليه هو نـآقص ايد ولا رجل ههههههههههه

[بنت اجاويد]

الشرهه على اللي يروح لهم
شكرا على التنبيه

[ارحموا من في الارض]

شااورما بـ 45

ذهب مب دجاج

[ابو نواف]

قاطعووووووووووووووووووووهم

[محمد]

مجموعة حراميه من حثالة الشام الظاهر مايفرقون بين الليره والريال

[رحآل]

الله يستر

[مارك1]

نفر المندي في مطاعم الروضة في الدمام

40 ريال

[مارك1]

شاورما ب 45 ريال ممكن ذهبي
ههههههههههههه
نعم للمقاطعة لا لغلاء

[بدر]

وهذي بعض أسعار ست الزفت :

روبيان بـ 80 ريال

كبة 4 حبات بـ 40 ريال

فتوش بـ 15 ريال

تبولة بــ 15 ريال

بيبسي بــ 6 ريال

ورسوم خدمة ست الزفت 17%

الله لا يوفقهم ولا يهنيهم ..

وش رأيكم أرسل نسخة من الموضوع هذا إلى إدارة ست الزفت والتبن ؟

[أبو ناصر]

يا ابوي اجل اذا رحت الريف اللبناني وش راح تقول

بس ما نقدر نقول الا

اللهم لا تهلكنا بما فعل السفهاء منا


تقبل مروري وجزاك الله خير

[ABOJORI]

زين زين انك علمتني والله كنت ناوي الاسبوع هذا اطلع اعشي عيالي هونيك عند زفت الشام هذا

[كوسة]

حسبي الله عليهم

مقاطعه

مقااااااطعه

[ورد الخزامى]

ياساتر :(

منت مجبور تروح لها المطعم

جربوا أوشال على مخرج 10

ممتاز ونظيف واسعاره معقوله ولذيذ

[طبخ البيت]

لا تعليق

[ملاك الشرق]

شاورما ...؟؟؟؟؟؟


الله يستر بس

[راحت عليك يا تاجر]

وزير التجارة


كيف الحال


الصيف السنة الجاية فين ان شاء الله ؟؟؟

[akr238]

سبحان الله 45
حقا
اذا لم تخش عاقبة الليالي ولم تستح فاصنع ما تشاء

[مستهلك ذكي]

الشاورما بريال واحد فقط
عند المطعم الموجود في معارض
إيكيا مخرج 16 على الدائري الشرقي بالرياض
...يازين الرخص .. وخل هالحرامي ..مطعم ست الزفت ياكل هوا

[دموووووع]

هههههههههههههههههههههههه حلوه ترسل نسخه ياليت والله ان يتوب
ماعندهم صندوق اقتراحات ههههههههههههههه حطه فيه وحط له رابط الموقع

تخيلت شكله ابو شكيب وهو يقراها

[ولد الرياض]

لان حنا نركض ورا الغالي سواء اكل او ملبس وهؤلاء عارفين هذا العيب اللي فينا

[المتضامن]

والله لو مندي شورما ماوصل هالسعر
تم أخذ التحذير بعين الاعتبار وتمت المقاطعة

[عزوز]

أنت متأكد أنهم مايحطون مع الشاورما ذهب؟؟

[الميموني]

هههههههههههههههههههههههه حلوه ترسل نسخه ياليت والله ان يتوب
ماعندهم صندوق اقتراحات ههههههههههههههه حطه فيه وحط له رابط الموقع

تخيلت شكله ابو شكيب وهو يقراها
هههههههههههههههههههههههه حلوه تخيلت شكل ابو شكيب وهو يقراها

[ودي أعيش بإستراليا]

سبحان الله 45
حقا
اذا لم تخش عاقبة الليالي ولم تستح فاصنع ما تشاء

[طرطور يطارد صرصور]

لاتصير شاورما بالالماس بس

والله لعب بهالبلد ومحد لمّك

[تميمي]

يجماعة الخير المفروض الواحد يعود نفسه ماياكل اكل مطاعم الا للضروره

[Hijack]

هههههههههههههههههه اللهم لك الحمد ناقص عقل الي يطلبها بهالسعر

[راعي الاوله]

يا جماعه وش فيكم شابين على هالمطعم

يمكن إنه لوزير التجاره

يمكن أحواله هاليومين مش ولا بد

ويمكن إنه خسران بالأسهم

وإلا الدجاج VIP

ويا ما في الجراب يا حاوي


وفالكم التوفيق