دخلت مطعم ولقيت سعره غالي فماذا تفعل ؟

[أخوكم حمد]

بسم الله الرحمن الرحيم
السلام عليكم ورحمة الله وبركاته

إذا دخلت مطعم وفتحت قائمة الطعام ( المنيو :D ) ولقيت الأسعار غااااالية ومعك زميلك أو أم العيال :eek: فماذا تفعل ؟ :confused:

[yousef70]

عادي جداً قم مشينا لأقرب فوال

صارت لي مره في استيك هوس اول مره اجيه وعزمت واحد من الزملاء يوم شفت القائمه
والاسعار قلت له قم انت ووجهك خل نشوف مطعم ثاني هذا المطعم إذا معي أم عيالي أوكي لكن انت لآلآلآلآ

وعشيته بيتزا من فطائر الدمشقيه

[خط الفقر]

انا عزمت واحد لمطعم الخليج الصيني الي بطريق الملك فهد وكان معي 200 ريال
يوم جينا الطلبات لقيناه ماتكفي يالله 300 ريال ودبرت خطه
على ضيفي عشان اغير المطعم
ورحت للناضج وطلبنا نفرين تيس مضبي واحذركم من المطعم الخليج الصيني اذا ماكان معاكم فلوس كافيه وشكرا

[أخوكم حمد]

عادي جداً قم مشينا لأقرب فوال

صارت لي مره في استيك هوس اول مره اجيه وعزمت واحد من الزملاء يوم شفت القائمه
والاسعار قلت له قم انت ووجهك خل نشوف مطعم ثاني هذا المطعم إذا معي أم عيالي أوكي لكن انت لآلآلآلآ

وعشيته بيتزا من فطائر الدمشقيه


الله يخزي شيطانك

تعزمه ثم تقول له قم انت ووجهك :d

على العموم ستيك هاوس من المطاعم الغالية التي تستحق المقاطعة

[أخوكم حمد]

انا عزمت واحد لمطعم الخليج الصيني الي بطريق الملك فهد وكان معي 200 ريال
يوم جينا الطلبات لقيناه ماتكفي يالله 300 ريال ودبرت خطه
على ضيفي عشان اغير المطعم
ورحت للناضج وطلبنا نفرين تيس مضبي واحذركم من المطعم الخليج الصيني اذا ماكان معاكم فلوس كافيه وشكرا

صراحة مصيبة 200 ريال ما تعشي اثنين

من أول 200 ريال تكرم فيها ضيوف

[مستهلك ذكي]

...أذا شفت الأسعار غالية
أرمي المنيو....
وأطلع ....عااااااااااااااااااااادي جدآ
واروح ادور غيرة ارخص

[معاكم معاكم]

لايكلف الله نفسا الا وسعها

[مقاطع.. فورإيفر]

أبد باشهر باسم المطعم في المنتدى وأعطي الكاشير عنوان المنتدى

[أخوكم حمد]

يعني إذا كنتم لحالكم ما راح تجاملون الجرسون



طيب إذا كان معكم صديق أو أم العيال وش بتقولون لهم

[الكاسر]

بالعكس يجب عدم الخجل انما المفترض على حد قولك ترمي المنيو وتصرح لهم بأن اسعارهم مبالغ بها 0

[السيف]

اشوف غيره بكل بساطه

[إنسانه]

هذي صارت لي حقيقة

كنت مع اهلى ودخلنا 3 مطاعم ورى بعظ وكل ماجلسنا عصبنا وقمنا

شي ماله داعي
في الاخير
تعشينا في البيت


ما احب الانتهاز الي ماله داعي

[حب وعشق وحنان]

الحمد لله

انا اذا باروح مطعم اعرف سعر قبل ما اروح

[xyz]

دعونا نجعل من يوم 29 شعبان يوم خاص لمقاطعة كل البضائع الغالية جداً
ولنرسل رسائل بالملايين لأصحاب الجشع والطمع وقفوا سرقة من جيوب العالم
واقنعوا بالقليل اللي قسمه الله لكم

[عــلاج]

المطاعم الغالية معروفة والحقيقة انا ما أعزم احد فيها ألا إذا تزوجت با لمستقبل


طبيعي لازم أروح أنا زوجتي نغير جو فيها لان بعضها يكون جوها حلوو

ووأن طلعنا أنا وأهلي وبغوا يتعشون في مطعم نروح لها لكن قليييييل جدا

لأن المقصود فيها تغييير جو فقط ولا يصلح المواضبة عليها وجعلها عادة

ألا مع زوجتي في المستقبل لانه أنت لما تعشي زوجتك برى المقصد تونسها

وتريحها من الطبخ وبنفس الوقت تكون قلييل اكلها من المطاعم مو مثلك

هذي وجهة نظري والجواءفي مثل هذي المطاعم اكثر هدوء ورمنسية. . . . . . ما تلاحطون اني متحمس على الزواج؟؟

[أخوكم حمد]

هذي صارت لي حقيقة

كنت مع اهلى ودخلنا 3 مطاعم ورى بعظ وكل ماجلسنا عصبنا وقمنا

شي ماله داعي
في الاخير
تعشينا في البيت


ما احب الانتهاز الي ماله داعي


تعجبني ;)

[نجلاء]

انا عني اذا صار غالي اسحب زوجي ونطلع اهم شي فلوسه ماتطير بشي مايسوى

[مضارب فطين]

شلون الواحد يدخل وهو مايدري وش عندهم ذولا ولا أسعارهم ؟

عن نفسي إذا شفت مطعم جديد وحبيت أجربه أمر عليه مرة آخذ معي المنيو وأقراه بالبيت وأعرف وش أكلهم وش أسعارهم وما أروح إلا وأنا عارف طلبي وش أبغى بالضبط وكم يكلفني بالتحديد حتى رسوم الخدمة أحسبها بعد

[ksaryh]

اما عني انا اعرف وين اروح اذا مطعم غالي اخذ احتياطي
و اذا تورطت بمطعم غالي و شفت المنيو مرتفعة اسعاراها
اسحب علية و امشي و احط المطعم في البلاك لست .

[mqataa]

شلون الواحد يدخل وهو مايدري وش عندهم ذولا ولا أسعارهم ؟

عن نفسي إذا شفت مطعم جديد وحبيت أجربه أمر عليه مرة آخذ معي المنيو وأقراه بالبيت وأعرف وش أكلهم وش أسعارهم وما أروح إلا وأنا عارف طلبي وش أبغى بالضبط وكم يكلفني بالتحديد حتى رسوم الخدمة أحسبها بعد

اما عني انا اعرف وين اروح اذا مطعم غالي اخذ احتياطي
و اذا تورطت بمطعم غالي و شفت المنيو مرتفعة اسعاراها
اسحب علية و امشي و احط المطعم في البلاك لست .


طيب في حالة ان المطعم اللي متعود تروح له وعارف سعره فاجأك بانه رفع السعر وش ردة فعلك ؟

[المواطن المطحون]

اذا كانت المدام معايا ... تستاهل !

واذا كان واحد من الشباب الله لا يهينه يقط معاي!!

[ضمى نجد]

ستيك هاوس الببسي عندهم بعشر الريال :)

[اخو العيال]

والله العظيم لا اطلع ولا همني فيهم ولو معي مال قارون

[ابومشاري]

لابد ان تكون هناك خلفيه عن الاسعار قبل الدخول لأي مطعم كان

واذا والله رفعوا السعر قلهم سعركم مبالغ فيه وعشان كذا انا مقاطعكم

واطلع حتى لو معي ملكة جمال الصومال :)

[الهلقم]

كويس انك تقرا المنيو
بعضهم ما يسال عن الحساب الا بعد ما يغسل يده

[عربيد]

وين دورة المياهـ؟


.
.
.
عارف إن ردة فعلي هذي غلط ,,
لأن حنا ما ذبحنا إلا خجلنا الزائد !!

وأوافق اللي قال نصارحهم بإن أسعارهم غالية

تحياتي للجميع

[ورد الخزامى]

ابد نطبق خطه 502

يطلع اخوي اول واحد وشوي شوي الحقه انا واللي معاي :)

[الجــاني]

اول شي اجلس واتفرج على المنيو .. وأعين من الله خير ..

وبعدها اذا حسيت اسعارهم عالية ومبالغ فيها .. اخذ المنيو معاي واطلع

واقطع المنيوو

وارميه باقرب زبالة ..

وبذلك اكون خسرت المطعم قيمة المنيو ..

وانا ماخسرت شي خخخخخخخ

[امرأه لا تنحني !!!]

بكل بساطه اطلع وكنه العيد

ماذبحنا غير المجاملات والحياء اللي مال لأمه داعي:d

[انس]

اطلع ويتعشاه البس انشاء الله

وشوف لي مطعم غيره

[waay20]

اذا ها الموقف حصلي
اطلع في المطعم عشرين عيب على الانارة على النظافه على العمال وبعدين اقول وكمان اسعارهم غالية
وافك وامشي بكل سهولة
ولا احراج ولا هم يحزنون

[KMSD]

انا اروح للمطعم الي اعرفه
واذا لقيت شئ زايد سعره اتكلم واقول له لن اكل عندك وسابلغ
عنك اهلي وقرايبي وارجه رج
يمكن يخاف او ارفع ضغطه او يتادب مستقبلا ويعرف ان الناس فتحت
او اختر ماشئت

[KMSD]

انا اروح للمطعم الي اعرفه
واذا لقيت شئ زايد سعره اتكلم واقول له لن اكل عندك وسابلغ
عنك اهلي وقرايبي وارجه رج واطلع
يمكن يخاف او ارفع ضغطه او يتادب مستقبلا ويعرف ان الناس فتحت
او اختر ماشئت

[الفارس3]

يااخي لازم نتصارح مافيها شي
ليش نخجل من النصابين الذين يزودون الاسعار هم اصلا ما استحو من الناس كيف استحي منهم

[abutareq]

بسيطة دور اقرب مخرج وسلام عليكم اقرب فوال وصلى الله وبارك

[saad22]

لايكل الله نفس الى وسعها
تصحيح للخطاء لايكلف الله نفس الا وسعها

[mazin_2007]

عادي جداً قم مشينا لأقرب فوال

صارت لي مره في استيك هوس اول مره اجيه وعزمت واحد من الزملاء يوم شفت القائمه
والاسعار قلت له قم انت ووجهك خل نشوف مطعم ثاني هذا المطعم إذا معي أم عيالي أوكي لكن انت لآلآلآلآ

وعشيته بيتزا من فطائر الدمشقيه


أخي مازن...

أشكر لك غيرتك و حماسك لكن ما هكذا تورد الإبل...

كان بإمكانك مناصحة الأخ يوسف سرا وعبر الخاص بدلا من العام..

أعتذر على تحرير مشاركتك و للمعلومية فقد قمت أيضا بتعديل الخطأ في مشاركة الأخ يوسف.

تحياتي..
abuhisham

[mazin_2007]

تصحيح :
والله أسأل أن لايكون بالأنفس شيئاً لأن هذا للفائده العامه وتحياتي

[alzuhary]

أنا دائما قبل لأروح مطعم أسأل عنه قبل الذهاب اليه تفاديا للاحراج ;)

وهذي الطريقة تغنيك عن تغيير المطعم عندما تتفاجأ بسعره الغالي

.. عندما عزمني زميلي ..

أذكر مرة احد الزملاء دعاني للغداء في مطعم غالييييييييييي ، وأنا اعرف انه غالي،
قلت له يا ابو الشباب خلنا نروح مطعم بخاري احسن قال لا ثم لا ، المطعم هذا عليهم اكل ما تتصوره .

قلت توكلنا على الله ، المهم دخلنا وكان بوفيه مفتوح ، طبعا أنا اخذت الصحن بتاعي وماشي خلف زميلي ، وإذا اخذ شي أخذت مثله - نوع من الدبلوماسية ;) - وعند وصولنا بحفظ الله ورعايته للمحاسب ، فكرت زميلي رش على وجهه كاتشب ، ايش السالفة :confused:

سكت زميلي ، ولما وصلنا للطاولة قام يسب ويشتم ويقول ويش ذا السعر ، قلت له ليش ما تعرفه من اول ، قال : إلا اعرفه لكن ابو الي عازمني !!

قلت الله يغنيك على كل حال ، وطول الوقت وانا اضحك عليه ، ما عرفت آكل من الضحك http://www.mqataa.com/vb/images/icons/icon10.gif
رعاك الله

[هدهد سليمان]

عادي الامر بسيط

فهم ام العيال عن الوضع

واطلعو