مطاعم ماما نورة (الرياض)

[الطل]

السلام عليكم ورحمة الله


أولا نشكر القائمين على هذا الموقع على هذه الفكرة الرائعة

ثانيا من باب المشاركة

مطاعم ماما نورة رفعت سعر العصير

سعر العصير الكبير كان بـ 5 ريال الآن بـ 6 ريال

باقي الأصناف ما أدري عنها. اللي يعرف عنها يذكرها

ودمتم

أبو بدر

[gg]

حسبنا الله عليهم

[المتضامن]

السندويشات باقية على أسعارها سعر 3 ريال بس قرأت بموضوع ثاني أن أسعار الفطاير ارتفعت عندهم

[عباس]

نلقى العصير عند غيرهم

[عباس]

لايفوتكم 50 فاكهة شغل مظبوط واسعاره ماتغيرت والله يستر

[منتدى مقاطعة]

حسبنا الله عليهم

[منتدى مقاطعة]

تم ارسال رساله الى المدير عام مطاعم ماما نوره
بهذا الصفحه ليعلم ما نفعل وما سنفعل

[إرادة]

الله يجزاكم خير

مو ضروري ناخذ من عنده عصير

خلوه الفاكهه تقعد عنده

لكن المشكله فيه ناس مغفلين يفتكر الشغله ريال

بينما الشغله 20 بالميه

يعني موز بالحليب ليه ياخذ عليه عشرين بالميه الان والموز ما في ارخص منه في السوق الان

الشغله ركوب موجه وبس

[ضد الطمع]

ما راح نموت من الجوع اذا ما شربنا عصير ماما نورة ..

حسبي الله عليه ..

[أبو ناصر]

من زين ماما نورة

يا اخي اقسم بالله أنه مطعم فاشل وبعدين الناس عليه زحمة ما ادري على ايش العصير حقهم اقسم بالله اقل من عادي والشاورما عاديه جدا

كل المطعم على بعضه عادي
بس محظوظ والله كتب له رزق

مشكور ابو بدر ومحلات العصيرات واجد وارخص منه

[fahad 2006]

حسبي الله عليهم

[ابونوره]

استغرب .. مع كثرة زبائنة .. يطمع !!!!!!!!!

قمة في الغباء رفعه للعصير ...

خصوصا ... ان الي ياخذ منه .. قصور الافراح ومناسبات بالجمله ( جوالين )

لو بغى يرفع يرفعها على الجوالين !! بس الغبي رفعها على الافراد ( كاسات ) وهذا غلط

غبي .. جدا ...

[المتضامن]

وين نروح يابو ناصر ان كانك تخبرلنا بوفيه طيبه
أنا عني اشرب كولا

[الطل]

أولا أشكر جميع اللأخوة المشاركين وشئ يشرح الصدر هذا التفاعل في هذا المنتدى الرائع


إذا تضافرت الجهود إن شاء أن نعمل ما لم يعمله وزير التجارة

نعم استمروا في المقاطعة والتحديث في الموقع علشان نضع حد للطماع ونشجع البديل الذي لم يرفع السعر.


ودمتم
أبو بدر

[مستهلك ذكي]

السلام عليكم ...
ظاهرة سيئة أزدات هذة الأيام الأ وهي تناول الطعام خارج البيت !!
أسر بكامل أفرادها يوميآ أكل المطاعم فطور وغداء وعشاء ..والمصيبة المطبخ أو المستودع
مليان مواد غذائية وبعضها تنتهي صلاحيتها وترمى في الزبالة ! وثاني يوم نروح للسوق نشتري غيرها !!
المطبخ أصبح مهجور !!
ماذا جنينا من أكل المطاعم .. تسمم , صرف أموال .سمنة ( معظم أكل المطاعم غير صحي )
ياليت الواحد أذا دخل مطعم يلقي نظرة على المطبخ ..واللة أن تشعر بالغثيان !!!
ياليت نبدأ بحملة لتشجيع أكل البيت ( أنظف و اوفر )...
وممكن نروح للمطعم مرة أو مرتين في الأسبوع ,,,, أخوكم أبو زياد

http://www.mqataa.com/vb/images/romancetalk/buttons/quote.gif (http://www.mqataa.com/vb/newreply.php?do=newreply&p=1496)

[الباحث عن الحقيقة]

فطيرة اللبنة عندهم كانت بريالين والآن ب3 ريالات!!!!!!

[حتى لو نص ريال]

أنا قاطعت ماما نورة بسبب العصير لانه رفع 20%


والله يكتب الي فيه الخير

أهم شئ لحد يحقر أي شئ حتى لو نص ريال:)

[فواز]

من زينه بصراحة مطعم عادي وأقل من عادي بس وش تقول في الناس والتقليد !!! قاطعوووووووووووووووووووووووووووووووه

[هوتميل]

مطعم صب واي ومحلات ميد لي مو من ضمن القائمة

[تشيز كيك]

من حلاته

شفيهم البشر

[الساهر1]

قلت لكم ناس دائم تروح وتقلد الموضه والشهره على حسابهم الخاص والتزماتهم الماليه
يعني ما في البلد الا هالولد قال ايش عصير ماما نووووووره طازهههههههههه علشان ايه اشتريه

http://www.mqataa.com/vb/uploaded/174_01187957841.gif

[boicottare]

الحمص كان 5 ريال الحين 6 ريال يعني 20%
صحن مشوي مشكل كان 10 ريال الحين 13 ريال يعني 30%
وجبت المقاطعه ..

[نجلاء]

والله انا مااحب الاساندوتش الحلوم عنده بس مو مهم بلاشي منها

[ليل المشاعر]

من فترة رفعوا البيض والشكشوكة الى 3 ريال لكن اتصلت على حماية المستهلك وابشركم كذا يوم ورجعت لسعرها ريالين.

[مساهم]

يااخوي جب لبيتك فواكه واعصرها بالخلاط ازين من مطرستهم وشكرا

[الجرادية]

فطائر الجبن كانت قبل فترة 2 ريال

والآن 3 ريال بزيادة ريال لليش مادري

[عالم نواف]

والله انك صادق يابو ناصر

[ليش ما نقاطع]

رفع العصير ل 6 ريال والله يا جماعه هذا رفس النعمه ،،

يعني بدل ما يحافظ على نجاحه وعلى سمعته يروح يرفع العصير ،،
تفكيره صح بيرتفع دخله لفترة بسيطه إرتفاع قوي ولأكن وبفضل الله ثم بفضل هذا الموقع والتشهير به ومقاطعته سوف يندم ويخسر ويحلم بايام ال 5 ريال للعصير،،

[ابو نواف]

قاطعووووووووووووووووووهم

[ابو نواف]

من فترة رفعوا البيض والشكشوكة الى 3 ريال لكن اتصلت على حماية المستهلك وابشركم كذا يوم ورجعت لسعرها ريالين.


بالله كيف اتصلت على حماية المستهلك
وين لقيتهم ذول ؟؟
ورني طريقهم تكفى

[ابومشاري]

****

[مقاطع للجشع]

بصرااااااحه كرهته بعد ما رفع الاسعاريا جامعه العصير 6 ريالوش خلينا للفنادقوالفطاير 3ريال خير ان شاء الله

[مطفر]

والله حراااااااااااااااااااااااام ..
عصير كوكتبل ماما نورة مع شاورما بالدجاج أو اللحم .. تآخذ العقل ..

بصراحة اندهشت يوم شفت كثرة المواضيع في المنتدى لاني سجلت وما كان فيه أحد وسافرت وتوني راجع ..

[كرستيانو]

عليهم عليهم

[7y7]

فعلأ شيء يقهر

سعر العصير الكبير صار ب6

وفطيرة الجبن ب3

وانا ما دريت الا يوم حاسبت وخلصت والا كان ما اخذته ويوم سئلت راعي العصير لي صار بسته قالي الأجار ارتفع:confused:

بصراحه قهرني وحلفت ما عاد اطب ماما نوره مع اني من المدمنين على عصيره لكن كل شيء ولا اني انغبن عينك عينك

لذلك انا مضطر لمقاطعة ماما نوره لجشعه وطمعه وعنجهيته

وبصراحه يخالجني احساس اننا جالسين بغابه ما حولك احد كل من هب ودب رفع السعر ولا جاب خبر لا لبلديه ولا لوزارة تجاره ولا حماية مستهلك وهذا الي يغبنك اكثر واكثر وتتحسر في نفسك على الوضع الي وصلنا له:mad:

[gingin]

انا ما اكل الافطاير جبن
كانت بريالين والحين بثلاثة

[عــــدو المطاعم]

والله انه من اوصخ المطاعم في الرياض و ابشعها

قاطعوهم

[السيف]

غيررررررررررهم الف مطعم الله لايربحهم

[][ البركس ][]

الكاتب ابومشاري انا اعرف عن عمال ماما نوره انهم سنية من وين عرفت عنهم انهم نصيرية وياليت مصدر موثوق لو تكرمت

[عــلاج]

وداعا عصيرات ماما نوره وداعاً لا لقاء بعده

[اسيره الدمع]

حــــــــسبي الله عليهم



بس ما شاء الله كل النااس عليهم



بس ان شاء الله ابقااطعهم

[وسطي]

ياجماعه انتم ستكسبون اثم كبير انتم تريدون قطع ارزاق الناس
الوضع ببساطه ان جميع المواد التي تستورد بالدولار غاليه بسبب ضعف الدولار امام العملات الاخرى
والشحن تضاعف الدبل
والتاجر يبي يضيف هالزيادات على هالمطاعم والمطاعم تبي تكسب مافتحو يخسرون ياخوي
اللهم جيرو الزياده فقط
اما الي مايزود تاكد انه يتلاعب في الجوده على حساب معدتك يااخي
فثق تمام الثقه ان الحكومه ابخص منك ومني
وعلشان تصدق افتح مطعم وحتعرف انك حترفع السعر
فنصيحه لاتكن سببا في قطع رزق احد فالمشكله كبيره ووزير التجاره سبق ان صرح في احد مقابلته
فاتق الله وابحث عن علاج السبب الرئيسي

[ابونوره]

ياجماعه انتم ستكسبون اثم كبير انتم تريدون قطع ارزاق الناس
الوضع ببساطه ان جميع المواد التي تستورد بالدولار غاليه بسبب ضعف الدولار امام العملات الاخرى
والشحن تضاعف الدبل
والتاجر يبي يضيف هالزيادات على هالمطاعم والمطاعم تبي تكسب مافتحو يخسرون ياخوي
اللهم جيرو الزياده فقط
اما الي مايزود تاكد انه يتلاعب في الجوده على حساب معدتك يااخي
فثق تمام الثقه ان الحكومه ابخص منك ومني
وعلشان تصدق افتح مطعم وحتعرف انك حترفع السعر
فنصيحه لاتكن سببا في قطع رزق احد فالمشكله كبيره ووزير التجاره سبق ان صرح في احد مقابلته
فاتق الله وابحث عن علاج السبب الرئيسي


معليش يا أبو الشباب ...

العصاير تجي من الفواكة والفواكة إلى الحين اسعارها نوعا ما معقولة

كيلووو البرتقال ... بخمسة ريال ...

ليش يرفع سعر عصيرة ويخلية بــ 6 ريال الجشع ..

وقسم بالله شي يقهر ز..

معليشششششششششششش

مرت علينا سنوات كرتون البرتقال تدبل سعرة يعني صار الكيلو بــ 7 ونص ...

ومع هذا ما تجرأ احد يرفع سعر العصير حقة

يجي هذا الغبي ويرفع سعره ليش

[إنسانه]

لا وابشركم رفعوا الشاورما ريال
سبي الله عليهم
دقيت عليهم في التليفون قلت بكم الشاورما قال 4 ريال وحمقت وقلت ليه مارد علي
قلته محد بيشري منكم والله محلهم مليان يعني مو مثل اول بس فيه ناس

حسبي الله ونعم الوكيل على الي كان السبب وعلى الي مطاوعهم

[إنسانه]

ياجماعه انتم ستكسبون اثم كبير انتم تريدون قطع ارزاق الناس
الوضع ببساطه ان جميع المواد التي تستورد بالدولار غاليه بسبب ضعف الدولار امام العملات الاخرى
والشحن تضاعف الدبل
والتاجر يبي يضيف هالزيادات على هالمطاعم والمطاعم تبي تكسب مافتحو يخسرون ياخوي
اللهم جيرو الزياده فقط
اما الي مايزود تاكد انه يتلاعب في الجوده على حساب معدتك يااخي
فثق تمام الثقه ان الحكومه ابخص منك ومني
وعلشان تصدق افتح مطعم وحتعرف انك حترفع السعر
فنصيحه لاتكن سببا في قطع رزق احد فالمشكله كبيره ووزير التجاره سبق ان صرح في احد مقابلته
فاتق الله وابحث عن علاج السبب الرئيسي


اولا
مصلحة الجماعة على مصلحة الفرد

ثانيا
لا تخاف عليهم هذولي تجار مايحطون القرش الا وهم جايبين بداله مليون ولا كان ماصاروا تجار
ثالثا
هذا جشع وطمع واستغلال الناس ومافيه شي غلى عليهم

الله يهدهم قبل لايحوسون المسلمين
حسبي الله ونعم الوكيل

[manss2004]

ماما نوره
الله من الردااءه ماا فيه الا الفلافل عندهم
بس وفطيره الجبن

[الاملح]

ماما نورة الله يديم النعمة لو اجوع

زوجتي لقت صرصور في الاكل

[ليش لا]

الشاورما من 3 الى 4 ريال يعني 30 في المية
والزلايب صافين سرا عليه ولا كان شي تغير

[وسطي]

كرتون الدجاج 1300 كان ب 60 ريال
الان المطاعم تشتري كرتون الدجاج ب 93 ريال
اي زادة التكلفه حوالي 33%
واحسب الفرق في الزياده لتعرف انه مادخل ف جيوب هالمطاعم المساكين شي يعني محلك سر

[Mr.Riyadh]

تخيلوا أنتم بس شكل التركي الوصخ وهو معرق ويمسح العرق الي على وجهه بيده وبعدها على طوووول يمسك الخبز ويلف الشورما لك ..


ماما نورة بقولكم شي بحكم ان الصفحة وصلتكم على بريدكم .. أنا من زمان وأنا أعارض كل من أعرف على مطاعم ماما نورة ومقاطعكم من زمان .. بس حاليا بأبدا أنصح الناس بمقطعتكم وخل عصيرك ينفعك وسندوتشاتك ياحرامي .. قاطعوهم والله إني أشعر بلذة وأنا أشوف الطماع وهو يعلن افلاسه ويقفل محله
عمر بن الخطاب رضي الله عنه قال قاطعوهم بس بإختلاف الصيغة والحديث فووووق في أعلى الصفحة
أما الظريف الي جاي يقول بتقطعون أرزاق عالم أقوله الله يقطع رقابهم ويديهم هالحرمية أجل كرتون الدجاج ب 60 ريال ؟؟ أقول وش أخبار الدجاج البرازيلي المجمد أبو 3 ريال ؟؟
لا حول ولا قوة بالله عالم تعلمت فنون النصب

قاطعوا مطاعم ماما نورة وتحياتي للنويصر ومطاعمه (( الفاشلة ))

[KMSD]

قاطعوهم الله لايربحهم
****
****
انتبهوا لبطونكم ولا تحطون فيها الا شئ نظيف

[msnaddres]

تخيلوا أنتم بس شكل التركي الوصخ وهو معرق ويمسح العرق الي على وجهه بيده وبعدها على طوووول يمسك الخبز ويلف الشورما لك ..


ماما نورة بقولكم شي بحكم ان الصفحة وصلتكم على بريدكم .. أنا من زمان وأنا أعارض كل من أعرف على مطاعم ماما نورة ومقاطعكم من زمان .. بس حاليا بأبدا أنصح الناس بمقطعتكم وخل عصيرك ينفعك وسندوتشاتك ياحرامي .. قاطعوهم والله إني أشعر بلذة وأنا أشوف الطماع وهو يعلن افلاسه ويقفل محله
عمر بن الخطاب رضي الله عنه قال قاطعوهم بس بإختلاف الصيغة والحديث فووووق في أعلى الصفحة
أما الظريف الي جاي يقول بتقطعون أرزاق عالم أقوله الله يقطع رقابهم ويديهم هالحرمية أجل كرتون الدجاج ب 60 ريال ؟؟ أقول وش أخبار الدجاج البرازيلي المجمد أبو 3 ريال ؟؟
لا حول ولا قوة بالله عالم تعلمت فنون النصب

قاطعوا مطاعم ماما نورة وتحياتي للنويصر ومطاعمه (( الفاشلة ))


قام بطني يعورني

انا ابغى اعرف مين يشترى من عندهم

انا طول حياتي ما قد أشتريت من عندهم

اسمع عنهم انهم قذرين

[مستهلك ذكي]

..... السلام عليكم ...
لمحبي الشاورما ........ العنوان في الرياض ..
المطعم الموجود داخل محلات أيكيا .. الشاورما عندهم ريال واحد فقط
....ياليت الأخوان في مدن المملكة الأخرى يفيدونا عن باقي فروع
<<<<<<<<<<< أخوكم أبو زياد <<<<<<<<

[خلوووووووودي]

أنا شريت من يامال الشام قبل سنتين

وربي إنها بـ 4 ريال

الحين مدري كم

[سوالف ليل]

خرجت الليلة الماضية من مطعم ماما نورة بعد أن أخذت طلبي المفضل (2شاورما زيادة مايونيز + واحد كوكتيل) ركبت سيارتي فرحا بالانـتصار العظيم وخروجي من تلك الزحمة على سيخ الشاورما وكأنهم يوزعون ببلاش.
ولنـفـترض أنك وقـفـت يوما بجانب الشاورما وتـفحصت الوجوه التي أمامك لرأيت عجبا،
فهذا شخص على وجهه علامة تدل على أنه لم يأكل منذ زمن..
وآخر غاضب لأن المعلم تأخر.
وآخر من فرط فرحته بقرب دوره لم يستطع أن يمسك ابتسامة صفراء ارتسمت على محياه.
وذاك طفل يقـفـز ويزاحم ويداحم يحاول أن يخترق الجموع المحتـشدة لرمي الجمرات أقصد الجموع المحتـشدة لتأكل زيتاً بالدجاج والخبز.
وترى اثـنين يتـخاصمان.. أنت أخـذت دوري وأنا كنـت أمامك.
وترى سائقا معه ورقة مكتوب فيها:
“عشرة شاورما اثـنين بدون مخلل،
واثـنين بدون ما يونيز،
وواحدة بدون بطاطس،
وثلاث بدون مخلل ولا ما يونيز،
وواحدة كثر مايونيز
وواحدة خفيف ما يونيز وكثر شطه”
فتتذكر (لولا اختلاف الأذواق لبارت السلع)
وترى شخصا نسي نفسه فهو أمامك بجسمه ولكن عقله في وادي آخر.
وهكذا …

آآه متى تـنـتهي ثـقـافة (الفاست فود) عند الشباب ؟
ولو انـتهت لما رأيت أحدا يشـتكي من السمنة.

ما بالي شطحت عن الموضوع الأصلي؟

كنت حين نزلت للمطعم أستمع للأخبار في الإف إم ونسيت أن أغلق المذياع حين نزلت..
فلما شغلت سيارتي ارتـفع صوت المذياع بصوت محمد عبده:
“ارفع راسك أنت سعودي .. غيرك ينـقص وأنـت تـزودي”
أغلـقـتـه بسرعة متعوذا من الشيطان ولكن هذا البيت (إن صحت تسميته بالبيت) جلس يرن في أذني فأفسد عليّ فرحة الخروج من أمام الشاورما دون إصابات.
يا الله !!
ارفع راسك أنت سعودي .. غيرك ينـقص وأنت تـزودي
بأي منطق يتكلم هذا ؟ وبأي عقل ؟ ومن أين استـقى هذا المعنى التـافه ؟

رجعت للبيت مسرعا، فـتحت المصحف أبحث عن آية قد يكون استـقى منها الشاعر (أيضا إن صحت تسميته بشاعر) معنى هذا البيت فوقعت عيني على الآية 13 من سورة الحجرات:
{يا أيها الناس إنا خلقـناكم من ذكر وأنثى وجعلناكم شعوبا وقبائل لتعارفوا إن أكرمكم عند الله أتـقاكم}
تمتمت .. صدق الله العظيم.
أغلقت المصحف بهدوء ووضعته على مكتبي وجلست على كرسيي أفكر.
هل المعنى الذي تغنى به ذلك المغني صحيح؟
ولماذا يكون صحيحا؟
هل الشعب السعودي نزل من السماء؟

آآآه ربما يكون قصده معارضة اليهود حين قالوا أن اليهود شعب الله المختار.
حسنا، ولكن لماذا لم يقل:
ارفع راسك أنت مسلم بما أنه كان يقصد معارضة اليهود؟
استبعدت هذا التبرير.
ربما لأن السعوديين حرروا بيت المقدس؟
لالا بيت المقدس إلى الآن لم يتحرر.
ربما لأن السعوديين أخذوا كأس العالم؟
لالا كأس العالم أخذته إيطاليا.
ربما .. وربما …

وجلست ساعة بين احتمالاتي ..
ولكني انتبهت أني لم آكل شاورمتي بعد فتركت احتمالاتي جانبا وأكلت شاورمتي.
كانت الشاورما لذيذة ..
وبعد أن انتهيت من الأكل قلت لابد أن يكون قصده حين قال: ارفع راسك أنت سعودي .. لأن عندنا مطعم ماما نورة وغير السعوديين ما عندهم هالمطعم.
بالفعل هذا أقرب احتمال فكرت به .. وأظنه هو الصحيح، فلم أجد احتمال يمكن أن نـقول أن المغـني يقصده إلا هذا..

دخلت عليّ أختي الصغيرة معها جهاز (آي بود) ..
قالت لي اسمع هذا النشيد ..
كان نشيداً رائعاً من الأناشيد القديمة.. صحيح أنك لن تطرب لصوت المنشد .. وصحيح أن النشيد كأنه مسجل في غرفة خالية من الأثاث ليكون فيها صدى ..
ولكن أبياتها تطربك بمعانيها ..

وهذه أبياتها..

أنا مسلم لا أعرف النسبا
وسواي يصرخ يبتـغي العربا
أما أنا فـشمائلي نسبي
لا أسـتـسـيغ الجاه والحـسبا
لا أنـتمي لعروبة رقـدت
تـتوسد الألـقاب والخـطبا
لا أنـتمي لعروبة ركبـت
عند الوغى الإحجام والهـربا
لا أنـتمي لعروبة خضعت
للاغـتصاب ولم تـثر غضبا
خذلت أبا جهل أصالـتـه
وبـلال عـبـد جاوز السحبا
لا أنـتمي ما دمتِ قاعـدة
لم تـعرف الإقـدام والنصبا
لا أنـتمي ما دمتِ ضائعة
وتـزاولين العرض والطلبـا
لا أنـتمي ما دمتِ باردة
لم تـجـلبي نارا ولا حطـبا
فإذا التـهـبت وعدت ثائرة
فالانـتماء يجيء ملتـهبا
قبـّـلت أختي بين عينيها لأن هذا النشيد جاء في وقته تماما.
بدأت أردد .. أنا مسلم لا أعرف النسبا ….

منقوووووووووووووول

[Hijack]

القائمة الجديده من ماما نوره عندي وكل الأصناف فيها زياده من ابسط شي الشاورما إلى باقي الأصناف زياده إعتباطيه

[سوالف ليل]

أقترح على كل شخص تضرر من زيادة أسعار السلع والمطاعم
أنه يبحث عن البديل
ــــــــــــــــــــــــــــــــــــــــــــــــــ ــــــــــــــــــــــــ
المطاعم إذا ما تقدرها ومشتهي تاكل شاورما ...
بريال صامولي وبدال اللحم حط طحينيه ترى مع الشاهي إذا صار بارد ... فله
أما السلع الباقيه أرجع لشغل منول تمر ولبن أهم شي تملا بطنك
وعلى فكره زباين المطاعم في زياده لا ماما نوره ولا غيره دارين عنكم
يعني مهوب ضارنا لو زادو ريال ولا ريالين المسأله عرض وطلب
لك نظر أشتر مالك نظر دور البديل الأرخص على نظرك
يعني تقدر تاكل في بيتك إذا ما تقدر على أسعار المطاعم
ترى ما فيه أمل شي أرتفع ينزل في هالبلد الشكوى على الله
ويقولون أن فيه مواطن راح لوزير التجاره يشتكي على أرتفاع الرز ويقول هذي وجبه رئيسيه في السعوديه ليش رفعتو سعر الرز رد عليه وزير التجاره بكل برود قال أللي ما يقدر الرز ياكل خبز وأنا أقول أللي ما يقد الشاورما ياكل خبز صامولي بالطحينيه ... وسلامتكم
وينكم عن أرتفاع الماء والكهرب هذي هي المهمه في كل بيت مهوب مطاعم يعني معاد فيه حريم تطبخ

http://www.up.7bebtte.com/up/7bebtte_kQc6yweGa5.gif (http://www.7bebtte.com)

[القانع]

كرتون الدجاج 1300 كان ب 60 ريال
الان المطاعم تشتري كرتون الدجاج ب 93 ريال
اي زادة التكلفه حوالي 33%
واحسب الفرق في الزياده لتعرف انه مادخل ف جيوب هالمطاعم المساكين شي يعني محلك سر
أخوي كلامك مو صحيح. السعر اللي ذكرته للبيع بالمفرد ولأفضل أنواع الدجاج المبرد الطازج، بينما المطاعم يشترون الدجاج المثلج البرازيلي وبسعر الجملة وهو أقل بكثير من السعر ذكرته.
سبب رفع التجار الأسعار هو الاستغلالية ومحاولة ركوب الموجة لتحقيق أرباح إضافية على حساب المستهلكين. عن نفسي راح أقاطع مطاعم ماما نورة من الآن وأي محلات أخرى ترفع أسعارها.

[uwLw7i]

تم التحرير من قبلي

ارجوا التزام الادب في الحوار

هدهد سليمان

[أمير من القمر]

ياشباب الي يبي مطعم اسعاره معتدله واكله ممتاز يروح مطعم التيسير الي بغبيرا قدام التسجيلات والله اكلهم لايعلى عليه ومشهور جدا ومن الصعب انك تلقى مكان تقعد فيه او تاخد طلبك بسرعه لكثرة الطلبات عليه لأنه مشهور وقديم ومحافظ على جودت منتجاته والي بيروح لايروح الا لفرع غبيرا قدام التسجيلات لان له فروع خايسة والي في غبيرا هو الأساسي وافضل مطعم جربوه ووادعولي . مو دعاية للمطعم بس حبيت اوجهكم لمطعم صح . وهذا تلفونه للي مايعرف عنوانه 014489042

[وسطي]

اخي صاحب الرد استهدي بالله ورمضان كريم

تم التحرير من قبلي

هدهد سليمان

[انس]

رحت لهم والله قهررر رفعو السعرر

طلعت من عندهم ولا تعشيت ولا ابيهم ابد ابد ابد

المطاعم واجد

[ولد الديره]

انا مقاطع العصير والشاورما

اما اباقي مثل مشوي او فلافل فلا.

[نجد ماهي بحي الله عروس]

تم رفع سعر الشاورما 4 ريال

[القانع]

مطاعم ماما نورة كانت من المطاعم المفضلة لدي وبعدما رفعوا أسعارهم مسحتهم من ذاكرتي تماماً ولم أعد أتعامل معهم منذ شهور والحمدالله. ولو اضطريت أقاطع كل المطاعم ما عندي مشكلة والله يحفظ لنا أهلنا وكتب الطبخ موجودة فيها ما لذ وطاب من أنواع الطعام. ونحن أصلاً من بعد هذا التضخم والغلاء تعودنا أو عودنا أنفسنا على الاستغناء عن كل ما هو غير ضروري وتكيفنا مع هذا الوضع، رغم أن الوضع المادي ممتاز والحمدلله، ولكن ينبغي أن لا نفكر فقط بأنفسنا ولكن نفكر أيضاً بوضع غيرنا من غير القادرين أو مستوري الحال وعدم الاستسلام لخنوع مسئولي الحكومة وجشع التجار ...

[محامي عن الحق]

البديل يا اخوان 50 فاكهة والله شغله حلو ونظيف واسعاره معتدلة

[الحق ينقال]

أول شي ياشباب ماقريتوا قبل لا تكتبون ((مايلفظ من قول الا لديه رقيب عتيد))
ياشباب تكلموا بالمنط وبالعقل ما فيه الا اثنين او ثلاثه عجبوني منهم اخوي الوسطي اذا تبون تحلون المشكله حلو أساسها اي مطعم من المطاعم مع غلاء الأسعار مجبر على خيارين يا يرفع السعر او يقلل الجوده وطبعا غالبية الناس واللي ماتفكر بعقلانيه اهم شي عنده انك ماتلمس جيبه سو اي شي الا انك تاخذ منه ريال انا جربت مطاعم كثير منها مطعم جنيه غير في الاسعارتغيير خفيف على أساس الموضه بس غير في الجوده كنت معجب بشاورمته سابقا بس الآن تغيرت ماما نوره اختار تغيير السعر مع المحافظه على الجوده
اما بالنسبه للنظافه فكل المطاعم وسخه ومافيهاأحسن من شغل البيت لكن ماما نوره في نظري أفظل الموجود وجل من لا يسهو واللي يبي النظافه بجد ياكل في بيتهم والا مثل ماقال ياكل صامولي بالطحينيه أحسن له
وبالنسبه لسعر العصير للي يقول ان سعر البرتقال الكيلو ب6 ريال ويوصل 7,5 اول شي هذا البرتقال طيب كم سعر التفاح كم سعر الكيوي كم سعر الجوافه وغيرها وغيرها كلها غاليه وبالكاد يطلع فيها مكسب وكل فتره تتغير الاسعار تبغاه يحط لكل نوع سعروكل فتره يغيرمع ارتفاع السوق وانخفاضه!!
بعض الاحيان يبيع بعض الاصناف بخساره او بدون مكسب لكن المطاعم تتبع سياسة شي يغطي عن شي ولعلمك الجبن ياللي يتكلم عن الجبن هوبالذات الصنف اللي ارتفاعه شنيع يوم كان بريالين كانو يشترون التنكه ب180 ريال ومع تغير الاسعار بدأ في الارتفاع الى ان وصل الان في حدود الاربع مية ريال وشوي بتصدق ؟ طبعا لا اذا تبغى تتأكد روح لمحل دريويش في عتيقه على امتداد شارع سلطانه يتعامل معه المطعم وتأكد بنفسك هذا غير أشياء كثير ارتفعت منها ايجارالمحلات هو مافتح الا عشان يتكسب موعشان يبيع ببلاش
لكن ماقول الا حسبي الله على الظالم يعني عشانه مطعم ناجح وزباينه ماشالله متمسكين فيه حسدتوه ماراح يضره لونقص من زباينه ألف هذا هو زاد اسعاره وهذا هو مثل ماقال عنه الهليل ماما زحمه الله يزيده ويرزقنا مثله وأحسن اكيد بتقولون لي نسبه بس لا والله كل السالفه ان الحق ينقال . .

[مقاطع الاجانب]

عليكم بخمسين فااكهه صاحبها مواطن اما ماما نوره فصاحبها تركي