مطعم افوكادو محطني 500 ريال انتبهوا

[ضد الحراميه الجشعين]

العادة اتعشى فيه انا وعيالي من 150 وفيها واكلنا ايطالي مع سلطه قبل امس محطني

520 ونفس الاكل بالضبط زيادة بس بيتزا بصراحه تفاجأت 520 رياااااال حراااااااااااااااام

قلت عقبها ياولد يمدحون ماما نورة بلا افوكادوا بلا بطيخ وترا موقعه طريق الملك عبد الله

ترا ناااار موقدة

المرة الجايه ماما نورة او يمال الشام

[القاصي]

انا بصراحه مقاطع المطاعم الغاليه

لان ودي اكمل عمار البيت

ادعو لي اني اخلص ...... 400 م وعجزت اكمله .

تحياتي لك ....

[الدائرة مستطيلة]

ضد الحرامية ..
أنا مقّدر لك متعة العائلة في مطعم راقي ..كنت مثلك لكن تغير الوضع
حسبتها حسبة بسيطة مافيه فرق أنا يوم في أفوكادو وبكرة في القرموشي .. كلها نعمة

الله يعينك يا القاصي .. ويوفقك في عمار البيت تسكنه بالعافية

[abuhisham]

أعجبتني طريقة عملها مطعم تايلندي معروف في جده قبل عدة أشهر عندما قرر رفع أسعاره (أسعاره كانت رخيصة جدا مقارنة بالمطاعم المماثلة)..

قام بتعليق لوحات داخل المطعم و تنبيه الزبائن عند دفع الحساب أن هذه الأسعار ستتغير إبتداء من تاريخ كذا و ذلك نظرا لإرتفاع تكاليف المواد الخام.

الجميع تقبل هذه الزيادة بصدر رحب و لازال الإقبال كما هو (ماشاء الله تبارك الله) مع العلم أن المطعم أجرى خلال السنتين الأخيرة تحسينات كثيرة و تغيير في ديكوراته بدون أي تغيير في الأسعار و لم يقوم بتغيير الأسعار إلا منذ حوالي الشهرين أو الثلاثة.

[ضد الطمع]

يا كثر المطاعم في الرياض بس انا شفت موضوع هنا ان ماما نورة رفع اسعارة يعني شوفوا لكم مطعم ثاني ..

[مستهلك ذكي]

لو مشيت شوي قدام لقيت أرخص مثل مطعم ماريز , أو كبابجي )
بعدين أذا دخلت مطعم وشف الأسعار مرتفعة أطلع ولا يهمك ور لغيرة
.......أخوك أبو لين

[ثاير ثاير]

ماتاكلون الا بمطاعم يعني عيال نعمة :)

[ضد الحراميه الجشعين]

مشكورين على تفاعلكم اخواني

وتوووووبه بصراحه لو رحت للمطعم الناااار هذا من اغلى المطاعم في الرياض انا وزوجتي 520 ااااااااااااااة يالقهررررر

[المتضامن]

الواحد الحين صار يخاف من هالمطاعم واحسنله يقرا الاسعار قبل يطلب

[ضد الحراميه الجشعين]

الواحد الحين صار يخاف من هالمطاعم واحسنله يقرا الاسعار قبل يطلب


صادق بصراحه توبه الواحد لمن يدخل اي مطعم يشوف المنيو

[مواطن ووطن]

كان اخذت للبيت خروف حري او نعيمي ب520 واكلته شهر انت وعيالك

[ضد الحراميه الجشعين]

كان اخذت للبيت خروف حري او نعيمي ب520 واكلته شهر انت وعيالك


والله انك صادق ايه درس وتعلمته وانا اخوك منهم

[المقتصد]

موضوع ذو صلة

http://mqataa.com/vb/showthread.php?t=346

[اقتصادية]

هذا المطعم اساسا مادخل مزاجي
ودور لك بديل غير ماما نوره ....رفع اسعاره

[مقاطعه معكم]

يبي لك تقرا المنيو كويس المره الجايه وانا اختك...

[المجهول]

الله يخارجنا

من 150 إلى 500

والله مصيبة

عني أنا قاطعة معظم المطاعم الراقية منذ فترة طويلة

بسبب عمار بيتي

وأتمنى أني أخلص البيت يكون رجع الوضع إلى ماضيه

حسبي الله ونعم الوكيل

المجهول

[الفيصل]

اقول يازين طبخ البيت

[شكثر أعاني]

يا شباب المطاعم الإيطالية كلها غاليه
نبي شي رخيص ومو مخيس ....

[ضد الحراميه الجشعين]

يا شباب المطاعم الإيطالية كلها غاليه
نبي شي رخيص ومو مخيس ....


فيه مطاعم ايطاليه ومو غاليه هذا ناااار موقدة يمحط محط واحنا ندفع بس تووووووووبه

[ضد الحراميه الجشعين]

هذا المطعم اساسا مادخل مزاجي
ودور لك بديل غير ماما نوره ....رفع اسعاره

مشكلته انه ديكور بس اما الغلاء والاكل ماهنا زود وانا خوك يعني غالي غلاء فاحش مدري وش السبب

[ToMix]

مع احترامي لبعضكم وش اللي تطلب وتبلع ثم تروح للكاشير وتقولي فاجأني المبلغ ؟

ياخي فيه آدمي عنده عقل يطلب قبل لا يشوف المينيو (قائمة الطعام) ؟؟؟؟؟

انا دئما آكل بأوفوكادو ولاحظت ارتفاع في الأسعار خاصتن في المأكولات الي احبها عندهم

ورحت اشوف لي بديل ولا شريت من عندهم قالو لي ليش هونت قلت راجع المينيو وبعدين تعالو اسألو وبعدين هذولي افوكادو الشيف حقهم الظاهر انه شبع واعتزل الشيافة لان الاكل حقهم تغير من اربع شهور ماهوب على خبري

زبدة الكلام .. لا تحط يدك في شيء وانت ماتدري كم سعره ...

واللي يبي ياكل مضبووط يروح لمطعم رومــاا :)

تحيتي للكل وشكراً

[دبدوب يطاقع و يبي يقاطع]

تدري ان احسن بديل لكل المطاعم
طبخ البيت ولا أحلى منه

و بالنسبة للأكل الغربي أوصيكم على قناة فتافيت على النايلسات تردد 12341
و اطبخوها بنفسكم
انا مجرب و على قولة المثل اسأل مجرب ولا تسأل طبيب

سنـــقاطعهم ... حتى افـــــلاسهم ...

[ضد الحراميه الجشعين]

مع احترامي لبعضكم وش اللي تطلب وتبلع ثم تروح للكاشير وتقولي فاجأني المبلغ ؟

ياخي فيه آدمي عنده عقل يطلب قبل لا يشوف المينيو (قائمة الطعام) ؟؟؟؟؟

انا دئما آكل بأوفوكادو ولاحظت ارتفاع في الأسعار خاصتن في المأكولات الي احبها عندهم

ورحت اشوف لي بديل ولا شريت من عندهم قالو لي ليش هونت قلت راجع المينيو وبعدين تعالو اسألو وبعدين هذولي افوكادو الشيف حقهم الظاهر انه شبع واعتزل الشيافة لان الاكل حقهم تغير من اربع شهور ماهوب على خبري

زبدة الكلام .. لا تحط يدك في شيء وانت ماتدري كم سعره ...

واللي يبي ياكل مضبووط يروح لمطعم رومــاا :)

تحيتي للكل وشكراً


ياعزيزي

اذا انت متعود تروح مطعم وعارف انو عشاك راح يكون بين 100 الى 200 عادي لانو متعود تروح

لانو ماتوقعت انه بيرفع الاسعار بالشكل هذا 500 لايال مرة وحدة حرااااام

عموما توبه اروح له

[كوسة]

الحمد لله

ما اعرف المطعم

عزابي وعندي دافور والعزبه كاااااااااامله

ما احب المطاعن نهائي

[ورد الخزامى]

:( يعني حتى المطاعم طارت اسعارها

شكلنا بنسوي العشا ونكشت في الحوش تغيير جو

[عزوز]

ياخي لو فيه رقيب ماصار الي صار

[مقاطعة يا حبيي مقاطعة]

والله وانا اخوك اول ما ادخل معطم انا وعيالي اشوف المنيو

واذا اسعاره مرتفعه ولا غير العالم اطلع واخليه عشان يعرف حتى اكثر من مطعم ومنها المطعم الي في السوق الجديد الي على طريق العليا حق سعودي اوجيه هذا ودخلت الا واشوف الاسعار نار واقوم الا قالي وش فيه قلت صراحه اسعاركم عاليه وفيه مطاعم اسعارها معقوله وطلعت وخليته

واكثر من مطعم بعد نفس الحكايه اطلع واخليه

[فالتزهبو للقحيم ياقشعين]

ـــــــــــــــــــــــــــــــ

[فالتزهبو للقحيم ياقشعين]

ــــــــــــــــــــــــــــــ

[KMSD]

معلومة مفيده قبل ما تاكل اقر التسعيرة ودقق
الفلوس الي ندفعها ماجت ببلاش
القاصي لاتتضايق من العمار انت صح100%
كلها كم شهر واذا سكنت تبي ترتاااااااااااااااااااااح
اسال مجرب

[ضد الحراميه الجشعين]

والله وانا اخوك اول ما ادخل معطم انا وعيالي اشوف المنيو

واذا اسعاره مرتفعه ولا غير العالم اطلع واخليه عشان يعرف حتى اكثر من مطعم ومنها المطعم الي في السوق الجديد الي على طريق العليا حق سعودي اوجيه هذا ودخلت الا واشوف الاسعار نار واقوم الا قالي وش فيه قلت صراحه اسعاركم عاليه وفيه مطاعم اسعارها معقوله وطلعت وخليته

واكثر من مطعم بعد نفس الحكايه اطلع واخليه


انا توووبه قبل ماادخل اي مطعم لازم اشوف المنيو حقهم ولا اتهور واطلب
وقرصه افوكادو علمتني

[ام عبد الرحمن]

مع احترامي لبعضكم وش اللي تطلب وتبلع ثم تروح للكاشير وتقولي فاجأني المبلغ ؟

ياخي فيه آدمي عنده عقل يطلب قبل لا يشوف المينيو (قائمة الطعام) ؟؟؟؟؟

انا دئما آكل بأوفوكادو ولاحظت ارتفاع في الأسعار خاصتن في المأكولات الي احبها عندهم

ورحت اشوف لي بديل ولا شريت من عندهم قالو لي ليش هونت قلت راجع المينيو وبعدين تعالو اسألو وبعدين هذولي افوكادو الشيف حقهم الظاهر انه شبع واعتزل الشيافة لان الاكل حقهم تغير من اربع شهور ماهوب على خبري

زبدة الكلام .. لا تحط يدك في شيء وانت ماتدري كم سعره ...

واللي يبي ياكل مضبووط يروح لمطعم رومــاا :)

تحيتي للكل وشكراً


ايه والله روما و بيتزا روما مررررررة لذيذ بس سوال ....... هم رفعوا اسعارهم ؟:confused:

[ام عبد الرحمن]

والله وانا اخوك اول ما ادخل معطم انا وعيالي اشوف المنيو

واذا اسعاره مرتفعه ولا غير العالم اطلع واخليه عشان يعرف حتى اكثر من مطعم ومنها المطعم الي في السوق الجديد الي على طريق العليا حق سعودي اوجيه هذا ودخلت الا واشوف الاسعار نار واقوم الا قالي وش فيه قلت صراحه اسعاركم عاليه وفيه مطاعم اسعارها معقوله وطلعت وخليته

واكثر من مطعم بعد نفس الحكايه اطلع واخليه

وشو هذا المطعم حق سعودي اوجيه ؟
قول لي عشان اقاطعه :D

[ضد الحراميه الجشعين]

وشو هذا المطعم حق سعودي اوجيه ؟
قول لي عشان اقاطعه :D


اي مطعم غالي ابتعدي عنه ولا تقربي منه

[ضد الحراميه الجشعين]

مبروووووك المقاطعه للمطعم جابت مفعولها اليوم المطعم مسوي دعايه في جريدة الرياض

ولكن مستحيل خلاص نرجع له نهائيا وعلى حساب جيوبنا

[ابو بندر]

انا بصراحه مقاطع المطاعم الغاليه

لان ودي اكمل عمار البيت

ادعو لي اني اخلص ...... 400 م وعجزت اكمله .

تحياتي لك ....


الله يوفقك ويسهل امورك وتنهي عمار بيتك ان شاءالله يارب

ونجيبلك نزاله بعد:D

[ضد الحراميه الجشعين]

الله يوفقك ويسهل امورك وتنهي عمار بيتك ان شاءالله يارب

ونجيبلك نزاله بعد:D

اكيد راح نجيب بس خله يسكن وتشوف
ذكرتوني بالعمار احس اني بعمر بعد 200 الف مليار سنه

[الهون أبرك مايكون]

520 تأكلك أنت وعيالك لمدة 10 أيام وتملا ثلا جتكم!!!!!!!!!!!!

[القاصي]

معلومة مفيده قبل ما تاكل اقر التسعيرة ودقق
الفلوس الي ندفعها ماجت ببلاش
القاصي لاتتضايق من العمار انت صح100%
كلها كم شهر واذا سكنت تبي ترتاااااااااااااااااااااح
اسال مجرب

ابشركم سكنت في بيتي الجديد بعد جهد جهيد
والحمد لله الدين مهوب كثير
شكرا لمن دعاء لي
والله يقضي عنا وعنهم الدين ويرزقنا واياهم من واسع فضله

[فاهم]

الصراحة تأخذلك نصف ذبيحة باقل من هذا السعر وتضربها بام خمس وتشبعك انت والعائلة

[مسلم]

520 تصدق اخوي ..بامكانك تطعم اكثر من عائله ولمده غير قصيره بالقيمه هذه ..
انا والله ما احسدك ولك حق تمشي عيالك ..
لكن نفكر ..هل تستاهل اني ..ادفع المبلغ هذا لمطعم ..
اخوي ..اسال الله انه يعوضك .خير من المطعم هذا ..
ويمدحون المطاعم الرخيصه ..

[ناصر5005]

صراحة قررت أعشي أخواتي في مطعم راقي مريت افاكادو وطلعت من عندهم بعد ما شفت الأسعار ورسيت بالأخير على كبابجي

صراحة المفروض يصلحون بورصة مطاعم ويطلعونها بالجرايد علشان كل واحد يشوف خراجه ويروح للمطعم اللي يروق له زي ما صلحوا في مؤشر أسواق الرياض

[حراميه وعين]

المطعم هذا معروف انه غالي مرة واكله اقل من عادي شعبيته بدأت بالانخفاض

انت الغلطان الي تاكل فيه لا عاد تتعودها

[julina]

بصراحة صعبة ان الواحد يمنع نفسه من المطاعم نقدر نقول عنها مميزة عن غيرها
لكن لابد من تحدد كم مرة يروح لها ولا يسحب معه اطفال
الاطفال حدهم ماك وكنج وبيتزا ان وبالعكس يفرحون وينبسطون
ون مرة ازعجوه يوديهم للمطاعم بسوق صحارى

[مقاطع الاجانب]

كل همه بطنه كلوا فى بيوتكم البيوت اضمن من حالات التسمم اللى دايم تحصل مااستفاد الا تركى وشامى وهندى منكم ويمانى